MOTORRAK

Gutxi gelditzen da datorren denboraldia hasteko. Maila goreneko bost pilotuk, marka bakoitzeko bana, probatu zuten Losaileko Qatarreko zirkuitu argitua 2008ko martxoaren 9an gauez izango den lasterketaren entsegu gisa. Pilotuek hauteman zituzten gauzen arabera, halako proba bat segurua dela ziurtatu zuten, eta gainera denboraldi hasiera oso interesgarria izango denari zirrara gehituko diotela.

Loris Capirossi (Suzuki), Marco Melandri (Ducati), James Toseland (Yamaha), Anthony West (Kawasaki) eta Alex de Angelis (Honda) izan ziren kaleko modeloak probatu zituztenak eta halako ikuskizunetan aditua den Musco Lighting enpresa estatubatuarrak prestatutako argiztatzearekin 300 kilometro orduko abiaduran aritu zirenak.

Muscok 65 egun behar izan ditu proiektua gauzatzeko eta trazatuko zuzen nagusia zein lehenengo hiru kurbak argiztatu zituen. Lehenengo iritzia oso ona izan da, martxoaren 6an egin zen lehenengo proban sortutakoak baino hobeak. “Zirraraz betetako lasterketa ikusi ahal izango da argi artifizialarekin”, azaldu zuen Capirossik.

“Azken aldiz gauez egin genituen probekiko, alde handia dago. Orduan, ez nengoen batere seguru egin zezakeenarekin, baina orain, argiztatze aparta jarri dute. Ia-ia ez dago alderik egunaren eta gauaren artean halako baldintzekin, baina askoz ere zirrara handiagoa lortuko dugu. Itzalekin eta islekin ez dago arazorik. Poz-pozik nago”, zioen Suzukiko italiarrak.

Entsegu berri horren ondoren, arrakasta ikaragarria dena Dornaren ustez, Mundiala martxoaren 9an hasiko dela egiaztatu da, “prime time”-an igorriko den proba batekin, gaueko 9 edo 10-etan hain zuzen. Oraindik egiaztatzeke dago hiru mailek egingo duten gauez edo MotoGP maila bakarrik

Denboraldi berria oso interesgarria izango dela dirudi, parrillan gazteak eta beteranoak elkartuko baitira. Berrikus ezazu martxoaren 9an, Qatarren, hasiko den datorren denboraldiko egutegia.

Motoziklismoko Munduko txapelketa 2008

Data	Gertaera	Agertokia
09/03/2008	Qatarreko SN	Losail
30/03/2008	Espainiako SN	Jerez
13/04/2008	Portugaleko SN	Estoril
04/05/2008	Txinako SN	Xangai
18/05/2008	Frantziako SN	Le Mans
01/06/2008	Italiako SN	Mugello
08/06/2008	Kataluniako SN	Montmelo
22/06/2008	Britainia Handiko SN	Donington Park
28/06/2008	Holandako SN	Assen
13/07/2008	Alemaniako SN	Sachsenring
20/07/2008	Estatu Batuetako SN	Laguna Seca
17/08/2008	Txekiar Errepublikako SN	Brno
31/08/2008	San Marinoko SN	Misano
14/09/2008	Indianapoliseko SN	Indianapolis
28/09/2008	Japoniako SN	Motegi
05/10/2008	Australiako SN	Phillip Island
19/10/2008	Malaysiako SN	Sepang
26/10/2008	Valentziako Erkidegoko SN	Ricardo Tormo